O‘zbekiston va Armaniston Markaziy banklari hamkorlik to‘g‘risida memorandum imzoladi

Toshkent, O‘zbekiston (UzDaily.uz) — O‘zbekiston Respublikasi Markaziy banki va Armaniston Markaziy banki o‘zaro hamkorlik to‘g‘risida Memorandum imzoladi.

Ushbu hujjat pul-kredit siyosati, to‘lov tizimlari, moliyaviy texnologiyalar, loyihalar va maʼlumotlarni boshqarish, shuningdek banklar va nobank kredit tashkilotlari faoliyatini nazorat qilish sohalarida ikki tomonlama hamkorlikni rivojlantirishga qaratilgan.

Tomonlar professional muloqotni mustahkamlash, qo‘shma uchrashuvlar, o‘quv tadbirlari, seminarlar va tanishuv tashriflarini o‘tkazish, shuningdek bilim va ilg‘or tajriba almashish niyatida ekanini bildirdilar.

Memorandum axborot almashinuvining aniq tamoyillarini belgilab, maxfiylik talablariga qatʼiy rioya etilgan holda hamkorlikning qonuniyligi va samaradorligini taʼminlaydi.