Toshkent, O‘zbekiston (UzDaily.uz) — O‘zbekiston Respublikasi Prezidentining Afg‘oniston bo‘yicha maxsus vakili Ismatulla Irgashev Amerika Qo‘shma Shtatlarining O‘zbekistondagi Favqulodda va Muxtor Elchisi Jonaton Xenik bilan muzokaralar o‘tkazdi.

Uchrashuv davomida tomonlar Afg‘oniston masalasi bo‘yicha ikki tomonlama hamkorlikning joriy holatini muhokama qilib, Afg‘onistondagi vaziyatni barqarorlashtirish bo‘yicha muntazam muloqotni qo‘llab-quvvatlashga o‘zaro qiziqish bildirdilar.

Xususan, xalqaro jamoaviy saʼy-harakatlarning Afg‘onistonda barqarorlikni taʼminlashdagi ahamiyati alohida taʼkidlandi.

Amerika tomoni BMTning Qochqinlar ishlari bo‘yicha Oliy komissarligi (UVKB) global taʼminot tarmog‘iga «Termiz Kargo Markazi» xalqaro transport-logistika xabi kiritilganini ijobiy baholadi.