O‘zbekiston va ADQ konchilik va metallurgiya sohalariga sarmoya kiritishni kengaytirishni muhokama qildi

Toshkent, O‘zbekiston (UzDaily.uz) — Oʻzbekiston Respublikasi Investitsiyalar, sanoat va savdo vazirligida vazir Laziz Kudratov Birlashgan Arab Amirliklarining ADQ kompaniyasi bosh direktori Roderik Matters va Orion AD kompaniyasi vakillari bilan uchrashdi.

Tomonlar ikki tomonlama hamkorlikni kengaytirish istiqbollari, qo‘shma investitsiya loyihalarini amalga oshirish, shuningdek, geologiya va konchilik sohalarida yangi yo‘nalishlarini muhokama qildilar.

Chet el delegatsiyasi O‘zbekistonning konchilik va metallurgiya tarmoqlaridagi yirik korxonalarga sarmoya kiritish, shu jumladan, foydali qazilmalarni qayta ishlash va texnologik metallar ishlab chiqarish loyihalarida ishtirok etishga qiziqish bildirdi.

Muzokaralar yakunida hamkorlik imkoniyatlarini chuqur o‘rganish va loyiha portfelini shakllantirish maqsadida qo‘shma ishchi guruh tuzish to‘g‘risida kelishuvga erishildi.

Tomonlar yaqin vaqt ichida O‘zbekistonda yangi investitsiya tashabbuslarini amaliy bosqichga o‘tkazishga tayyor ekanliklarini tasdiqladilar.