O‘zbekiston va 4iG raqamli texnologiyalarni muhokama qildi

Toshkent, O‘zbekiston (UzDaily.uz) — O‘zbekiston Bosh vazirining o‘rinbosari Jamshid Xodjayev Toshkent shahrida 4iG kompaniyasi boshqaruv kengashi raisi va bosh direktori Gellert Yasay bilan uchrashuv o‘tkazdi.

Tomonlar nafaqat xalqaro hamkorlarni jalb etish, balki qo‘shma loyihalar doirasida uzoq muddatli texnologik hamkorlikni yo‘lga qo‘yish muhimligini taʼkidladilar.

Muzokaralar davomida telekommunikatsiyalar, raqamli infratuzilma va ilg‘or texnologiyalar sohasida hamkorlikni kengaytirish istiqbollari ko‘rib chiqildi. Axborot texnologiyalari, sputnik va geoanalitik yechimlar sohasida qo‘shma tashabbuslarni yo‘lga qo‘yish imkoniyatlariga, shuningdek IT Park Uzbekistan va Uzcosmos bilan hamkorlikni rivojlantirishga alohida eʼtibor qaratildi.

Shuningdek, iqtisodiyotning ustuvor tarmoqlarida yangi loyihalarni ilgari surish vositasi sifatida O‘zbekiston-Vengriya investitsiya jamg‘armasining salohiyati muhokama qilindi.

Qayd etilganidek, 4iG O‘zbekistonda raqamli transformatsiya va texnologik modernizatsiya vazifalarini amalga oshirishda istiqbolli hamkor sifatida ko‘rilmoqda.

Tomonlar hamkorlikni yana-da rivojlantirish va yangi amaliy tashabbuslarni ishga tushirishga ishonch bildirdilar.