O‘zbekiston U-17 terma jamoasi Turkiya bilan durang o‘ynadi

Toshkent, O‘zbekiston (UzDaily.uz) — O‘zbekistonning 17 yoshgacha bo‘lgan futbolchilar terma jamoasi Turkiyaning yoshlar terma jamoasiga qarshi o‘rtoqlik uchrashuvini durang bilan yakunladi.

Mehmonlar 18-daqiqada Hasan Yakub Ilchin va 45-daqiqada Eymen Mustafa Erdog‘anning gollari hisobiga ilgarilab oldilar.

O‘zbekiston jamoasi safida Muradov 45+3-daqiqada va Nurbek Sarsenbayev 82-daqiqada gol urib, hisobni tenglashtirdi. Uchrashuv 2:2 hisobida yakunlandi.