O‘zbekiston U-17 terma jamoasi jahon chempionati oldidan Sharja shahrida o‘quv-mashg‘ulot yig‘inini o‘tkazadi

Toshkent, O‘zbekiston (UzDaily.uz) — O‘zbekistonning U-17 yoshlar terma jamoasi 2025 yilgi U-17 FIFA jahon chempionatiga tayyorgarlikni davom ettirmoqda.

Jamoa 18 oktyabrdan 31 oktyabrgacha Birlashgan Arab Amirliklarining Sharja shahrida o‘quv-mashg‘ulot yig‘inida ishtirok etadi.

Islombek Ismoilov boshchiligidagi yoshlarimiz U-17 jahon chempionati ishtirokchilari — Venesuela, Kot-d‘Ivuar va Burkina-Faso terma jamoalariga qarshi o‘rtoqlik uchrashuvlarini o‘tkazadilar. Barcha o‘yinlar “Al-Hamriya” stadionida bo‘lib o‘tadi.

20 oktyabr
O‘zbekiston — Venesuela

23 oktyabr
O‘zbekiston — Kot-d‘Ivuar

29 oktyabr
O‘zbekiston — Burkina-Faso