O‘zbekiston U-16 terma jamoasi CAFA 2026 musobaqasini g‘alaba bilan boshladi

Toshkent, O‘zbekiston (UzDaily.uz) — Ayder Kurbayev boshchiligidagi O‘zbekiston U-16 terma jamoasi CAFA U-17 Championship 2026 turniridagi ishtirokini g‘alaba bilan boshladi. Ilk uchrashuvda jamoa Qirg‘iziston o‘smirlar terma jamoasiga qarshi maydonga tushib, 2:1 hisobida zafar qozondi.

Hisob 10-daqiqada ochildi: Xojiakbar Zulfiqorov O‘zbekiston jamoasini oldinga olib chiqdi, biroq ko‘p o‘tmay Qirg‘iziston terma jamoasi hisobni tenglashtirdi.

G‘alaba goli 82-daqiqada Emmanuel Emonkpayre tomonidan kiritildi va jamoaga start o‘yinida uch ochko keltirdi.

O‘zbekiston terma jamoasining keyingi o‘yinlari 9 aprel kuni Afg‘onistonga qarshi, 11 aprel kuni Turkmaniston bilan va 13 aprel kuni Tojikistonga qarshi bo‘lib o‘tadi.