O‘zbekiston U-16 o‘smirlar terma jamoasi Chernogoriyani yirik hisobda mag‘lub etdi

Toshkent, O‘zbekiston (UzDaily.uz) — O‘zbekiston o‘smirlar futbol terma jamoasi (U-16) xalqaro turnirning ikkinchi uchrashuvida Chernogoriya yoshlar jamoasi ustidan ishonchli g‘alaba qozondi. O‘yin o‘zbekistonliklar foydasiga 1:6 hisobida yakunlandi.

31-daqiqada hisobni Suxrob Sadirjanov ochdi, oradan besh daqiqa o‘tib u dubl qayd etdi. 39-daqiqada Chernogoriya bir gol urib hisobni qisqartirdi, ammo uch daqiqadan so‘ng Rustam Aliyev ustunlikni yana oshirdi.

Ikkinchi bo‘limda Abdulaziz Abduraimov (51-daqiqa), Xaitmurodov (82-daqiqa) va Orifxonov (83-daqiqa) gol urdilar va g‘alabani taʼminladilar.

Turnirning birinchi o‘yinida ham o‘zbekistonliklar zafar quchgan, raqibni 3:2 hisobida mag‘lub etgan edilar.

Keyingi uchrashuvlarni O‘zbekiston terma jamoasi Vengriyaga qarshi 23 va 25 sentyabr kunlari o‘tkazadi.