O‘zbekiston TIV Yaqin Sharqda keskinlikning kuchayishi yuzasidan jiddiy xavotir bildirdi

Toshkent, O‘zbekiston (UzDaily.uz) — O‘zbekiston Respublikasi Tashqi ishlar vazirligi Yaqin Sharqda vaziyatning keskin keskinlashuvi natijasida keng mintaqada taranglik oshgani munosabati bilan jiddiy xavotir bildirmoqda.

TIV bayonotida qayd etilishicha, O‘zbekiston barcha tomonlarni eng yuqori darajada vazminlik ko‘rsatishgava nafaqat harbiy va siyosiy, balki gumanitar jihatdan ham oldindan aytib bo‘lmaydigan oqibatlarga olib keladigan xavfli keskinlikni keltirib chiqarishi mumkin bo‘lgan keyingi qadamlardan tiyilishga chaqiradi.

Unda inqirozni xalqaro huquq asosida, faqat siyosiy va diplomatik vositalar va o‘zaro maqbul muloqot orqali hal qilish zarurligi taʼkidlangan.

Bayonotda aytilishicha, O‘zbekiston Respublikasi mintaqaviy barqarorlik va xavfsizlikni mustahkamlash tarafdori sifatida izchil pozitsiyani egallab kelmoqda hamda vaziyatning imkoni boricha tezroq barqarorlashishiga umid qilmoqda.