O‘zbekiston TIV rahbari IHTning favqulodda yig‘ilishida ishtirok etdi

Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov Islom hamkorlik tashkiloti (IHT) tashqi ishlar vazirlarining favqulodda yig‘ilishida ishtirok etdi.

«Hamkasblarimiz bilan birgalikda mintaqalarimiz umumiy ravnaqi yo‘lida birdamlik muhimligini taʼkidladik», — dedi vazir o‘zining Telegram-kanalida.

«Atrofimizda yuz berayotgan barcha chaqiriqlar bo‘yicha muntazam muloqot va fikr almashishni qo‘llab-quvvatlash zarur, deb hisoblaymiz. Barcha sheriklarimiz bilan do‘stona aloqalarni kengaytirishga intilamiz», — deya taʼkidladi Baxtiyor Saidov.