O‘zbekiston taʼlim tizimida kadrlar tayinlovlari amalga oshirildi

Toshkent, O‘zbekiston (UzDaily.uz) — O‘zbekiston taʼlim tizimida qator muhim rahbarlik lavozimlariga kadrlar tayinlandi.

Sardor Radjabov oliy taʼlim, fan va innovatsiyalar vazirining birinchi o‘rinbosari etib tayinlandi. U bu lavozimgacha maktabgacha va umumiy o‘rta taʼlim vaziri o‘rinbosari vazifasini bajarib kelayotgan edi.

Baxtiyor Yo‘ldashev Prezident administratsiyasi huzuridagi Taʼlim sifatini taʼminlash milliy agentligi rahbari etib tayinlandi. U bugunga qadar «Yangi O‘zbekiston» universiteti prorektori sifatida faoliyat yuritgan.

Azizbek Turdiyev maktabgacha va umumiy o‘rta taʼlim vazirining o‘rinbosari etib tayinlandi. U avvalroq shu sohada vazir maslahatchisi sifatida ishlab kelayotgan edi.