Toshkent, O‘zbekiston (UzDaily.uz) — Uzcosmos delegatsiyasi AQShning bir necha shtatlarida bo’lib, xalqaro “Space Symposium” konferensiyasida ishtirok etishdi.

Uchrashuvlar va asosiy voqealar:

Koreya aerokosmik administratsiyasi (KASA) bilan anglashuv memorandumi imzolandi.

“SpaceX” kompaniyasining raketasida O’zbekistonning ilmiy texnologik sun’iy yo‘ldoshini uchirish masalasi muhokama qilindi.

O‘zbekistonda “Esri” kompaniyasining ofisi yoki texnologik markazini ochish, “IT Park Uzbekistan” rezidenti sifatida mintaqaviy bo’linma tashkil etish g’oyasi ilgari surildi.

Xalqaro Astronavtika Kongressini 2028-yilda O‘zbekistonga olib kelish bo‘yicha aniq vazifalar belgilandi.

Fransiyaning “Novaspace” konsalting kompaniyasi bilan konsultativ hamkorlik bo'yicha kelishuvga erishildi.

Suv resurslarini monitoring qilish bo‘yicha Kaliforniya tajribasi o‘rganildi.