O'zbekiston sloveniyalik investorlarga konchilik loyihalarini taqdim etdi

Toshkent, O‘zbekiston (UzDaily.uz) — 2025-yil 17-noyabr kuni O‘zbekiston Respublikasi investitsiyalar, sanoat va savdo vaziri Laziz Kudratov Sloveniyaning geologiya va mineral resurslar sohasi vakillari bilan Lyublyana shahrida bo‘lib o‘tgan davra suhbatida ishtirok etdi.

Uchrashuv davomida investitsiya muhitini yaxshilashga qaratilgan islohotlar, jumladan, shafoflikni oshiradigan va ekologik xavfsizlikning zamonaviy standartlarini belgilaydigan yangilangan Yer osti boyliklari to‘g‘risidagi kodeks ta’kidlab o‘tildi.

O‘zbekistonning sanoat ishlab chiqarishi hamda “yashil” energetika texnologiyalarida talab yuqori bo‘lgan nodir yer elementlari segmentidagi salohiyati qayd etildi.

O‘zbekiston faqat qazib olish emas, balki xomashyoni qayta ishlash va yuqori qo‘shimcha qiymatga ega mahsulotlar ishlab chiqarish bo‘yicha qo‘shma loyihalarni amalga oshirishga ham qiziqish bildirmoqda.

Sloveniyalik kompaniyalarga istiqbolli investitsiya loyihalari taqdim etildi. ISSV rahbari Sloveniya texnologik imkoniyatlari va O‘zbekistonning resurs salohiyati uyg‘unlashuvi barqaror yetkazib berish zanjirlarini shakllantirish hamda sanoat kooperatsiyasi uchun yangi istiqbollar ochishiga ishonch bildirdi.