O‘zbekiston Prezidenti narkotiklar va o‘qotar qurollar ustidan nazorat agentligi direktorini lavozimidan ozod qildi

Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev O‘zbekiston Respublikasi Prezidenti Administratsiyasi huzuridagi Narkotiklar va o‘qotar qurollar ustidan nazorat agentligi direktorini lavozimidan ozod qildi.

Davlat rahbari farmoniga muvofiq, Ravshan Mamatov O‘zbekiston Respublikasi Prezidenti Administratsiyasi huzuridagi Narkotiklar va o‘qotar qurollar ustidan nazorat agentligi direktori lavozimidan ozod etildi.

Ravshan Mamatov 2024 yil avgust oyidan boshlab Narkotiklar ustidan nazorat milliy markaziga rahbarlik qilib kelgan. 2025 yil iyul oyida mazkur markaz Narkotiklar va o‘qotar qurollar ustidan nazorat agentligiga aylantirilganidan so‘ng, Mamatov yangi tuzilmaga ham rahbarlik qilishda davom etgan.