O‘zbekiston pasporti jahon reytingida 72-o‘rinni egalladi

Toshkent, O‘zbekiston (UzDaily.uz) — Xalqaro havo transporti assotsiatsiyasi maʼlumotlari asosida tuzilgan va fuqarolar vizasiz kirishi mumkin bo‘lgan mamlakatlar sonini aks ettiruvchi Henley pasport indeksida O‘zbekiston pasporti 72-o‘rinni egalladi. Bir yilda davlatimiz ko‘rsatkichi 8 pog‘onaga yaxshilangan.

Reytingga ko‘ra, o‘zbekistonliklar 62 davlatga vizasiz kirish huquqiga ega.

Fuqarolari 193 davlatga vizasiz kirishi mumkin bo‘lgan Singapur reytingda birinchi o‘rindan joy oldi. Undan keyingi o‘rinni Yaponiya va Janubiy Koreya pasportlari egalladi. Bu davlatlarning fuqarolari 190 mamlakatga vizasiz kira oladilar.