O‘zbekiston MDH delegatsiyalari huquqiy maqomi to‘g‘risidagi Konvensiyani tasdiqladi

Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev Mustaqil Davlatlar Hamdo‘stligiga aʼzo davlatlar delegatsiyalarining huquqiy maqomi to‘g‘risidagi xalqaro Konvensiyani tasdiqlash haqidagi qarorni imzoladi.

Hujjat 2024 yil 8 oktyabr kuni Moskva shahrida imzolangan bo‘lib, endilikda respublika hududida rasman kuchga kirmoqda.

Qarorga muvofiq, O‘zbekiston Tashqi ishlar vazirligi Konvensiya qoidalarini amalga oshirish uchun masʼul vakolatli organ etib belgilandi.

Tashqi ishlar vazirligi hujjatning kuchga kirishi uchun zarur bo‘lgan barcha ichki tartib-taomillar yakunlangani haqida depozitariyga xabar yuborishi hamda uni ijro etish uchun masʼul bo‘lgan idorani ko‘rsatishi lozim.

Qarorning qabul qilinishi O‘zbekiston delegatsiyalarining MDH doirasidagi faoliyati uchun huquqiy asos yaratadi va Respublikaning xalqaro davlatlararo jarayonlardagi mavqeini mustahkamlaydi.