O‘zbekiston mahsulotlarni mahalliy bozorga ilgari surish uchun Mo‘g‘ulistonga B2B-biznes missiyasi tashkil etmoqda

Toshkent, O‘zbekiston (UzDaily.uz) — 4–6 mart kunlari Mo‘g‘uliston poytaxti Ulan-Bator shahrida o‘zbek korxonalarining eksport salohiyatini oshirish va yangi bozorlarni ochishga qaratilgan navbatdagi «Made in Uzbekistan» biznes-missiyasi bo‘lib o‘tadi.

Missiya doirasida mo‘g‘ulistonlik importyorlar bilan B2B-uchrashuvlar o‘tkazish, mamlakatning yetakchi kompaniyalari va savdo assotsiatsiyalari bilan muzokaralar olib borish, shuningdek O‘zbekiston va Mo‘g‘uliston tadbirkorlari o‘rtasida shartnomalar imzolash rejalashtirilgan.

Bundan tashqari, Mo‘g‘uliston bozori, logistika xususiyatlari, soliq va bojxona tartib-qoidalariga oid maxsus taqdimotlar tashkil etiladi.

Qayd etilishicha, Mo‘g‘uliston bozorida qishloq xo‘jaligi va oziq-ovqat mahsulotlari, to‘qimachilik, qurilish materiallari, elektrotexnika, farmatsevtika mahsulotlari va boshqa tayyor mahsulotlar kabi o‘zbek ishlab chiqarish mahsulotlariga bo‘lgan talab yuqori.

Biznes-missiya tadbirkorlarga nafaqat eksport aloqalarini kengaytirish, balki ikki davlat o‘rtasidagi iqtisodiy hamkorlikni mustahkamlash imkonini ham taqdim etadi.