O‘zbekiston jamoasi U-17 jahon chempionatida Irlandiyaga yutqazdi

Toshkent, O‘zbekiston (UzDaily.uz) — O‘zbekiston U-17 milliy futbol terma jamoasi Qatarda bo‘lib o‘tayotgan U-17 jahon chempionatida J guruhining ikkinchi turida Irlandiyaga yutqazdi.

Uchrashuv irlandiyaliklar foydasiga 1:2 hisobida yakunlandi.

20-daqiqada Abubakir Shukurlullayev hisobni ochdi, ammo 13 daqiqadan so‘ng Greydi Makdonnel hisobni tenglashtirdi. 75-daqiqada Maykl Nunan g‘alaba golini urdi.

Ikki turdan so‘ng Irlandiya 6 ochko bilan “J” guruhida peshqadamlik qilmoqda. O‘zbekiston va Paragvay terma jamoalari 3 ochkodan to‘plab ikkinchi va uchinchi o‘rinlarni bo‘lishmoqda, Panama esa hali ham ochkosiz qolmoqda.