Toshkent, O‘zbekiston (UzDaily.uz) — O‘zbekiston Ichki ishlar vazirligi matbuot xizmati OAV va internet kanallarida tarqalgan, go‘yoki xitoylik fuqarolar Toshkent Milliy bog‘ida “miting” yoki “parad” o‘tkazgani haqidagi xabarlarni rad etdi.

IIV matbuot kotibi Shohrux Giyosovning so‘zlariga ko‘ra, 15 fevral kuni Huawei kompaniyasi xodimlari odatda shanba va yakshanba kunlari o‘tkaziladigan muntazam yugurish tadbirini amalga oshirishgan.

«Haqiqatdan ham, oq kurtka va futbolka kiygan bir guruh odamlar qizil plakat va bayroqlar bilan bog‘ orqali yurib, maʼlum shiorlarni baland ovozda aytgan. Biroq, xitoiy tilidagi bannerlarda faqat sog‘lom turmush tarziga chorlovlar mavjud bo‘lgan: "Sport – salomatlik garovi, yuguring va sog‘lom bo‘ling", – deb izoh berdi vazirlik vakili.

Giyosov shuningdek, bunday tadbirlar eʼtiborga loyiq ekanligini va boshqa tashkilotlar uchun ham o‘rnak bo‘lishi mumkinligini taʼkidladi.