O'zbekiston IBM bilan investitsiya va ma'lumotlar markazini rivojlantirishni muhokama qildi

Toshkent, O‘zbekiston (UzDaily.uz) — AQShga amalga oshirilgan xizmat safari doirasida Raqamli texnologiyalar vaziri Sherzod Shermatov IBM kompaniyasining Global venchur kapital bo‘limi rahbari va vitse-prezidenti Emily Fontaine bilan uchrashdi.

Uchrashuv davomida O‘zbekistonda investitsiya muhitini yanada rivojlantirish hamda mahalliy va xalqaro hamkorlik imkoniyatlarini kengaytirish masalalari muhokama qilindi.

Shuningdek, mamlakatning turli hududlarida barpo etilayotgan zamonaviy “yashil” data-markazlardan foydalanish masalasi ilgari surildi hamda ushbu yo‘nalishda yaratilgan imtiyoz va preferensiyalar taqdim etildi.