O‘zbekiston Farmatsevtika sanoatini rivojlantirish agentligi Medtronic kompaniyasi bilan hamkorlik masalalarini muhokama qildi

Toshkent, O‘zbekiston (UzDaily.uz) — Farmatsevtika tarmog‘ini rivojlantirish agentligi direktori A. Azizov dunyoning yirik tibbiy texnologiyalar ishlab chiqaruvchisi — Medtronic kompaniyasining vitse-prezidenti Trevor Gann bilan uchrashuv o‘tkazdi.

Medtronic kompaniyasi AQSHda joylashgan bo‘lib, 150 dan ortiq mamlakatlarda faoliyat yuritadi va yillik daromadi 30 milliard AQSH dollaridan ortiqni tashkil etadi. Kompaniya kardiologiya, diabet, xirurgiya va boshqa ko‘plab soha uchun tibbiy uskunalar ishlab chiqarishda global yetakchi hisoblanadi.

Suhbat davomida O‘zbekistonda amalga oshirilayotgan islohotlar va sohadagi yutuqlar muhokama qilindi. Medtronic kompaniyasi Agentlikning farmatsevtika va tibbiy sanoatni rivojlantirish borasidagi saʼy-harakatlarini yuqori baholadi.

Tomonlar kadrlar tayyorlash va ilmiy-tadqiqot yo‘nalishlarida hamkorlik qilishga kelishib oldilar.