O‘zbekiston 9 oyda 1,5 milliard dollarlik mevalar va sabzavotlar eksport qildi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yilning yanvar-sentyabr oylarida O‘zbekistondan xorijga qiymati qariyb 1,5 mlrd AQSH dollariga teng bo‘lgan 1,6 mln tonna meva-sabzavotlar eksport qilgan.

Eksport hajmi o‘tgan yilning mos davriga nisbatan 111,5 ming tonna yoki 7,5 foizga oshib, jami eksportdagi ulushi 5,5 % ni tashkil etdi.

Eksport tarkibida yetakchi o‘rinni meva va rezavorlar egallagan — 456,1 ming tonna. Sabzavotlar — 504,4 ming tonna, tarvuz va qovunlar — 229,2 ming tonna, yeryong‘oq va yong‘oqlar — 17,7 ming tonna, mosh — 36,4 ming tonna, boshqa mahsulotlar esa — 362,5 ming tonnadan iborat bo‘ldi.