Toshkent, O‘zbekiston (UzDaily.uz) — 2025 yilning yanvar–aprel oylarida O‘zbekiston 22 ming tonna sabzi eksport qilgan bo‘lib, umumiy qiymati 4,1 million AQSH dollarini tashkil etdi. Bu haqda Milliy statistika qo‘mitasi xabar bermoqda.

O‘zbek sabzisining asosiy importchilari qo‘shni davlatlar bo‘ldi: eng ko‘p hajmda Qirg‘iz Respublikasiga — 11 573 tonna, Qozog‘istonga — 6 017 tonna va Rossiyaga — 4 276 tonna yuborildi.

Bundan tashqari, sabzi Ukrainaga (64 tonna), Tojikistonga (60 tonna) va yana bir qator boshqa davlatlarga (41 tonna) ham eksport qilindi.