O‘zbekiston 10 oyda Xitoyga 695,5 mln dollarlik gaz eksport qildi

Toshkent, O‘zbekiston (UzDaily.uz) — Xitoy Xalq Respublikasi Bojxona Bosh boshqarmasi maʼlumotlariga ko‘ra, 2025 yilning o‘n oyi davomida O‘zbekiston Xitoyga 695,5 million AQSH dollari qiymatida tabiiy gaz eksport qildi.

Hajm bo‘yicha yetakchilikni Rossiya saqlab qolmoqda. U o‘z eksportni 17,8 foizga oshirib, 7,85 milliard dollarga yetkazdi. Ikkinchi o‘rinda — Turkmaniston, uning eksporti 7,03 milliard dollarni tashkil etdi, bu ko‘rsatkich 12,9 foizga kamaygan.

Xabarda taʼkidlanishicha, yozning oxirida Rossiya va Xitoy gaz yetkazib berish bo‘yicha yirik kelishuvni imzolagan bo‘lib, unga ko‘ra Rossiya yiliga 106 milliard kub metr gazni Xitoyga yetkazib berishi ko‘zda tutilgan.