O‘zbek aktyori va shoumeni Dilshodbek Musabekov vafot etdi

Toshkent, O‘zbekiston (UzDaily.uz) — O‘zbek aktyori va shoumeni, “Dizayn” komediya guruhi ishtirokchisi Dilshodbek Musabekov vafot etdi. Uning vafoti haqida aktyor va komik Otabek Mirzaxolov xabar berdi.

Dilshodbek Musabekov 1975 yil 13 iyul kuni Andijon viloyatida tug‘ilgan. U ijodiy faoliyatini turli hazil sahnalari va KVN tanlovlarida ishtirok etishdan boshlagan bo‘lib, aynan shu chiqishlar orqali keng tanilgan. Keyinchalik u “Dizayn” komediya guruhining aʼzolaridan biriga aylandi, shuningdek, bir qator badiiy filmlarda rol ijro etdi.

Dilshodbek Musabekov o‘zining o‘tkir hazili va yorqin sahnaviy obrazlari bilan tomoshabinlar orasida yaxshi tanilgan edi. Uning hayotdan ko‘z yumishi o‘zbek madaniyati va komediya olami uchun katta yo‘qotish bo‘ldi.