Toshkent, O‘zbekiston (UzDaily.uz) — Bugun, 30 iyun kuni, Ozarbayjon Milliy Mejlisi Raisi Sahiba Gafarova boshchiligidagi parlament delegatsiyasi Birinchi O'zbekiston-Ozarbayjon parlamentlararo forumida ishtirok etish uchun Xiva shahriga keldi.

 Ozarbayjon parlamenti delegatsiyasini Urganch xalqaro aeroportida O'zbekiston Respublikasi Oliy Majlisi Senati Raisi Tanzila Narbayeva kutib oldi.

Mazkur forum ikki davlat o'rtasidagi do'stona munosabatlarni, xususan, parlamentlararo hamkorlikni yangi bosqichga olib chiqishda muhim qadam sifatida baholanmoqda. Tadbirda ikki mamlakat parlamentlari aʼzolari, ayol deputatlar va yoshlar parlamentlari vakillari ishtirok etadi.

Xiva shahrida o'tkaziladigan ushbu forum O'zbekiston va Ozarbayjon o'rtasidagi strategik sheriklikni yanada mustahkamlashga xizmat qiladi.