Toshkent, O‘zbekiston (UzDaily.uz) — Ozarbayjon firibgarlikda ayblanib qidiruvda bo‘lgan O‘zbekiston fuqarosini topshirdi. Bu haqda Ozarbayjon Bosh prokuraturasi matbuot xizmati xabar berdi.

Maʼlumotlarga ko‘ra, ushlangan shaxs — 1987 yilda tug‘ilgan Gulnoza Raxmatullayevna Burxonova bo‘lib, u firibgarlik va rasmiy hujjatlarni qalbakilashda ayblanib, xalqaro qidiruvda bo‘lgan. Ozarbayjonda o‘tkazilgan tergov jarayonida unga nisbatan qamoqqa olish tarzida ehtiyot chorasi qo‘llanilgan.

O‘zbekiston Bosh prokuraturasi Burxonovani jinoiy javobgarlikka tortish uchun ekstraditsiya qilish haqida so‘rov yo‘llagan. Ozarbayjon tomoni mazkur so‘rovni qondirdi va shundan so‘ng uning ekstraditsiyasi amalga oshirildi.