OTB prezidenti sheriklikni mustahkamlash va hamkorlikning 30 yilligini nishonlash uchun O‘zbekistonga tashrif buyurdi

Toshkent, O‘zbekiston (UzDaily.uz) — Osiyo taraqqiyot banki (OTB) Prezidenti Masato Kanda bugun O‘zbekiston Respublikasi Prezidenti Shavkat Mirziyoyev bilan OTBning O‘zbekiston bilan hamkorligining mustahkamligini yana bir bor tasdiqlash va rivojlanish sohasidagi hamkorlikning 30 yilligini nishonlash uchun uchrashdi. 

“OTB O‘zbekiston bilan 30 yillik hamkorlikni nishonlashdan faxrlanadi”, dedi janob Kanda. “Biz odamlar va jamoalar uchun imkoniyatlarni kengaytiradigan, ularning salohiyatiga sarmoya kiritadigan va butun O‘zbekiston bo‘ylab inklyuziv va barqaror o‘sishni rag‘batlantiradigan islohotlarni qo‘llab-quvvatlashga sodiqmiz.”

Janob Kanda janob Mirziyoyev bilan “Yangi O‘zbekiston 2030” maqsadi va uning “Inson qadri uchun” tamoyiliga muvofiq Hukumatining rivojlanish ustuvor yo‘nalishlarini muhokama qildilar. U OTBning xususiy sektorni rivojlantirish, davlat korxonalarini transformatsiya qilish, qayta tiklanadigan energiya, moliyaviy inklyuzivlik va mintaqaviy hamkorlik kabi asosiy islohot sohalarini qo‘llab-quvvatlashini yana bir bor tasdiqladi.

Shuningdek, janob Kanda va janob Mirziyoyev tomonidan 2026 yil may oyida Samarqandda bo‘lib o‘tadigan ABRning 59‑yillik anjumani ABR va O‘zbekiston o‘rtasidagi mustahkam hamkorlikni hamda O‘zbekistonning islohotlar sohasidagi yutuqlari va mintaqaviy yetakchiligini namoyish etish uchun zamin yaratishiga umid bildirildi.

Tashrifi davomida janob Kanda O‘zbekiston Bosh vaziri o‘rinbosari va O‘zbekistondan OTB boshqaruvchisi Jamshid Xodjayev, Bosh vazir o‘rinbosari va Iqtisodiyot va moliya vaziri Djamshid Qo‘chqorov va boshqa yuqori lavozimli rasmiy shaxslar bilan strategik islohotlarni ilgari surish, davlat-xususiy sektor hamkorligini mustahkamlash va taʼlim, moliya va infratuzilma kabi ustuvor sohalarda hamkorlikni chuqurlashtirish masalalarini muhokama qilish uchun yuqori darajadagi uchrashuvlar o‘tkazdi.

U O‘zbekiston Respublikasi Hukumati bilan ikkita qarz shartnomasini imzolash marosimida ishtirok etdi. Birinchisi, 100 million dollarlik "O‘rta taʼlimda fan, texnologiya, muhandislik va matematika" loyihasi bo‘lib, uning doirasida 200 ta maktab zamonaviy laboratoriyalar, raqamli uskunalar va inklyuziv o‘quv muhiti bilan jihozlaydi. Ikkinchi loyiha - bu Inklyuziv moliya sektorini rivojlantirish dasturi, 2-kichik dastur bo‘lib, u moliyaviy inklyuzivlikni oshirish, moliya sektorini boshqarishni takomillashtirish va kam taʼminlangan aholi uchun moliyalashtirish imkoniyatlarini kengaytirish bo‘yicha milliy islohotlarni kuchaytiradi.

Samarqandda janob Kanda xokim Adiz Boboyev bilan uchrashib, ular OTBning 59-yillik yig‘ilishiga tayyorgarlikni muhokama qildilar va tadbirning muvaffaqiyatli o‘tishiga ishonch bildirdilar. Keyin janob Kanda anjumanning asosiy o‘tkaziladigan joyi bo‘ladigan “Ipak yo‘li” majmuasini ziyorat qildi. Unda hukumatlar, xususiy sektor, ilmiy doiralar, ommaviy axborot vositalari va fuqarolik jamiyatidan bir necha ming ishtirokchi qatnashishi kutilmoqda. 

Janob Kanda janob Xodjayev bilan birgalikda Toshkentdagi O‘zbekistondagi kengaytirilgan doimiy vakolatxonasining ochilish marosimini amalga oshirdi. Modernizatsiya kilingan ofis OTBning mamlakatdagi ishtirokini kuchaytirib, samaraliroq operatsion faoliyatni qo‘llab-quvvatlaydi. Keyinchalik ular 30 yillik hamkorlikni nishonlash uchun 100 dan ortiq hukumat amaldorlari, rivojlanish bo‘yicha hamkorlar va xususiy sektor mijozlari ishtirok etgan ziyofatni uyushtirishdi.

OTB Osiyo va Tinch okeani mintaqasida inklyuziv va barqaror o‘sishni qo‘llab-quvvatlaydigan yetakchi ko‘p tomonlama rivojlanish bankidir.  OTB murakkab muammolarni birgalikda hal qilish uchun o‘z aʼzolari va hamkorlari bilan ishlar ekan, insonlar hayotini o‘zgartirish, sifatli infratuzilmani barpo etish va sayyoramizni himoya qilish uchun innovatsion moliyaviy vositalar va strategik hamkorliklardan foydalanadi.   OTB 1966 yilda tashkil etilgan bo‘lib, unga 69 mamlakat aʼzo bo‘lgan. Ularning 50 tasi mintaqada joylashgan.