Otabek Shukurov BAAning «Bani Yas» klubi bilan shartnoma imzoladi

Toshkent, O‘zbekiston (UzDaily.uz) — O‘zbekiston milliy terma jamoasi yarim himoyachisi Otabek Shukurov rasman Birlashgan Arab Amirliklarining «Bani Yas» klubi futbolchisiga aylandi, deya xabar berdi jamoa matbuot xizmati.

Avvalroq Shukurov BAAning bir nechta klublari bilan muzokara olib borgan, ammo yakuniy qaror sifatida «Bani Yas»ni tanladi. Jamoa safida shuningdek boshqa o‘zbek futbolchisi — Akmal Mozgovoy ham to‘p surmoqda.

Joriy chempionatning besh turidan so‘ng «Bani Yas» turnir jadvalida so‘nggi o‘rinni egallab turibdi, chunki startdagi barcha uchrashuvlarda mag‘lubiyatga uchragan. O‘zbek futbolchilarining qo‘shilishi jamoa tarkibini kuchaytirishi va qolgan o‘yinlarda natijalarni yaxshilashi kutilmoqda.