Toshkent, O‘zbekiston (UzDaily.uz) — O‘zbekiston Respublikasi Bandlik va kambag‘allikni qisqartirish vazirligi tomonidan yozgi mavsumda va darsdan tashqari vaqtda 18 yoshga to‘lmagan o‘smirlar uchun ruxsat etilgan yengil mehnat turlarining 40 ta pozitsiyadan iborat ro‘yxati ishlab chiqildi.

Ro‘yxatga talab yuqori va o‘smirlar sog‘lig‘i uchun xavfsiz hisoblangan quyidagi kasblar kiritilgan: ofitsiant, sotuvchi, sartarosh, mahsulot jamlovchi, qishloq xo‘jaligi ishlarida yordamchi, hamda yuk ko‘taruvchi (maʼlum og‘irlik cheklovlari bilan).

Vazirlik taʼkidlaganidek, bunday mehnat turlari o‘smirlarning o‘qish jarayoni va jismoniy holatiga salbiy taʼsir ko‘rsatmasligi shart.

Hujjat jamoatchilik muhokamasiga taqdim etilgan. To‘liq kasblar ro‘yxati bilan maxsus havola orqali tanishish mumkin.

Shuningdek, vazirlik 15–16 yoshli o‘smirlarni ishga joylashtirish uchun ata-ona yoki qonuniy vakilning yozma roziligi talab etilishini eslatib o‘tdi.

Ish beruvchilar esa mehnat sharoitlarining xavfsizligini taʼminlashi va ish jarayonida kelib chiqishi mumkin bo‘lgan barcha salbiy holatlar uchun to‘liq javobgarlikni o‘z zimmasiga oladi.