O‘rta koridor orqali yuk tashish hajmi 1 million tonnaning ustidan oshdi

Toshkent, O‘zbekiston (UzDaily.uz) — O‘zbekistonda xalqaro va tranzit tashuvlarni ko‘paytirish, tashqi savdo koridorlarini diversifikatsiya qilish hamda mamlakat orqali yangi logistika yo‘llarini shakllantirish maqsadida multimodal transport yo‘nalishlarini faol rivojlantirish davom etmoqda. Bu haqda O‘zbekiston Transport vazirligi xabar bermoqda.

Hisobot davrida O‘rta koridor orqali yuk tashish hajmi 2020 yildagi 500 ming tonnadan 2025 yilda 1 million tonnadan oshdi.

Hamda «Xitoy – Qirg‘iziston – O‘zbekiston» yo‘nalishida ham sezilarli o‘sish kuzatildi, bu yerda tashuv hajmi 33,7 ming tonnandan 1,8 million tonnaga yetdi.

Mamlakatning tranzit salohiyatini oshirish maqsadida «Xitoy – Qirg‘iziston – O‘zbekiston» temir yo‘lining qurilishi davom ettirilmoqda.

Transafg‘oniston temir yo‘li loyihasi bo‘yicha asosiy tashkiliy masalalar hal qilingan bo‘lib, texnik-iqtisodiy asoslash ishlanmoqda.

Xalqaro avtomobil tashuvlari sohasida esa Qirg‘iziston va Ozarbayjon bilan hamkorlikda E-permit elektron ruxsatnoma tizimi joriy qilindi.

Shuningdek, O‘zbekiston hududidagi 24 ta transport-logistika markaziga xalqaro qurg‘oq port maqomi berildi, bu esa tashqi savdo operatsiyalari samaradorligini oshirish va yuk tranziti imkoniyatlarini kengaytirishga xizmat qiladi.