Oliy Majlis Senati Raisi Kambodja Qirolligi parlamenti Senatining birinchi vitse-prezidenti bilan uchrashdi

Toshkent, O‘zbekiston (UzDaily.uz) — Toshkentda bo‘lib o‘tayotgan Parlamentlararo ittifoqning 150-assambleyasi doirasida Oliy Majlis Senati Raisi Tanzila Narbayeva Kambodja Qirolligi parlamenti Senatining birinchi vitse-prezidenti Uch Borit bilan uchrashdi.

Uchrashuvda ikki mamlakat o‘rtasidagi parlamentlararo hamkorlik, savdo-iqtisodiy munosabatlarning rivojlanishi va madaniy almashinuvlar masalalari muhokama qilindi.

Tomonlar parlamentlararo aloqalarni yana-da mustahkamlash va qonunchilik faoliyatida tajriba almashish rejalari belgilab olindi.