Olimpiya chempioni Diyora Keldiyorova mashg‘ulotlarni qayta boshladi

Toshkent, O‘zbekiston (UzDaily.uz) — Parij-2024 yozgi Olimpiya o‘yinlari chempioni, dzyudochi Diyora Keldiyorova uzoq tanaffusdan so‘ng mashg‘ulotlarni qayta boshladi. Hozirda sportchi individual tarzda shug‘ullanmoqda.

«Ha, men katta sportga qaytayapman. Uzoq tanaffusdan keyin darhol jamoaning o‘quv-mashg‘ulot yig‘inlariga qo‘shilish qiyin, shuning uchun hozircha alohida mashq qilyapman. Qaysi musobaqada ishtirok etishimni hozir aniq ayta olmayman. Agar sport formamni tiklay olsam, ehtimol Osiyo o‘yinlarida qatnashaman. Agar ulgurmasam, keyingi musobaqalardan birida ishtirok etishni rejalashtiryapman», — dedi Keldiyorova.

Eslatib o‘tamiz, Parij-2024 Olimpiadasidan so‘ng sportchi ona bo‘lgan va qariyb ikki yillik tanaffusdan keyin yana musobaqalarga qaytmoqda.