Oʻzbekistonda yangi greyfurt navi Oʻzbegim roʻyxatdan oʻtkazildi

Toshkent, O‘zbekiston (UzDaily.uz) — Toshkent davlat agrar universiteti (TDAU) olimlari tomonidan yaratilgan yangi “O‘zbegim” greypfrut navi Adliya vazirligining Seleksiya yutuqlari davlat reyestrida ro‘yxatdan o‘tkazildi.

Uzoq vaqt davomida greypfrut faqat chetdan keltiriladigan ekzotik meva hisoblanib kelgan. “O‘zbegim” navi esa — mahalliy seleksionerlarning ko‘p yillik zahmatli mehnati mahsulidir.

Yangi nav respublikamiz iqlim sharoitlariga to‘liq moslashtirilgan bo‘lib, u mahalliy seleksiya sohasidagi yutuqlardan biri hisoblanadi.

Seleksiya yutug‘ini ro‘yxatdan o‘tkazish — “Seleksiya yutuqlari to‘g‘risida”gi Qonun bilan tartibga solinadigan huquqiy jarayondir. Bu jarayon nav yaratuvchisiga mutlaq foydalanish huquqini beradi.

Seleksiya yutugʻi yangilik, farqlanish, turdoshlik va barqarorlik mezonlariga javob bersa, u huquqiy muhofaza qilinadi.