Oʻzbekiston va Xorvatiya hamkorlikni kengaytirish masalalarini muhokama qilishdi

Toshkent, O‘zbekiston (UzDaily.uz) — 28-noyabr kuni O‘zbekiston tashqi ishlar vaziri o‘rinbosari Muzaffar Madrahimov Xorvatiyaning O‘zbekistondagi Favqulodda va Muxtor Elchisi (residensiyasi Ostona shahrida) Refik Shabanovich bilan uchrashuv o‘tkazdi.

Uchrashuvda siyosiy muloqotni yanada rivojlantirish, savdo-iqtisodiy, investitsiyaviy va madaniy-gumanitar hamkorlikning dolzarb masalalari va istiqbollari muhokama qilindi. 2026-yil uchun qo‘shma tadbirlar rejalari ko‘rib chiqildi.

Tomonlar o‘zaro manfaatli o‘zbek-xorvat aloqalarini kengaytirish maqsadida yaqin hamkorlikni davom ettirishga kelishib oldilar, jumladan delegatsiyalar tashriflari almashinuvi, tashqi ishlar vazirliklari o‘rtasidagi siyosiy maslahatlashuvlar, Hukumatlararo komissiya yig‘ilishi va boshqa tadbirlarni o‘tkazish yuzasidan kelishuvga erishildi.