Oʻzbekiston va Xitoy strategik sheriklikni mustahkamlamoqda

Toshkent, O‘zbekiston (UzDaily.uz) — 2026-yil 23-mart kuni Oʻzbekiston Respublikasi tashqi ishlar vaziri Baxtiyor Saidov Xitoyning O‘zbekistondagi Favqulodda va Muxtor Elchisi Yuy Szyunni qabul qildi.

Uchrashuvda O‘zbekiston va Xitoy o‘rtasidagi keng qamrovli strategik sheriklik munosabatlarini yanada mustahkamlash masalalari muhokama qilindi.

Shuningdek, hamkorlikning barcha sohalarda dinamik rivojlanayotgani qayd etilib, uni yanada kengaytirishga tayyorlik bildirildi.

Tashqi ishlar vazirliklari ikki va ko‘p tomonlama kun tartibi bo‘yicha yaqin hamkorlikni davom ettirishga kelishib oldilar.