Oʻzbekiston va Qozogʻiston Buyuk Ipak yoʻli yoʻnalishlarini rivojlantirmoqda

Toshkent, O‘zbekiston (UzDaily.uz) — “Ipak yo‘lida turizm” 30-Toshkent xalqaro turizm yarmarkasi doirasida Turizm industriyasi qo‘mitasi raisi Nurtas Karipbaev bilan uchrashuv bo‘lib o‘tdi.

Muzokaralar davomida tomonlar strategik hamkorlikning yuqori darajasini va ikki davlatning turizm sohasida mintaqaviy integratsiyani rivojlantirishga qaratilgan sa’y harakatlarning samarasini ta’kidladilar. 

Uchrashuvda hamkorlikning asosiy yo‘nalishlari, jumladan, "Buyuk Ipak yo‘li" bo‘ylab qo‘shma transchegaraviy sayyohlik yo‘nalishlarini rivojlantirish va Samarqand - Turkiston - Olmaota madaniy klasterlarini ilgari surish, turizm sohasini raqamlashtirish, jumladan, zamonaviy IT-yechimlar, tahlil va marketing platformalarini joriy etish masalalari muhokama qilindi.

Shuningdek, tomonlar qo‘shma ta’lim dasturlari va gidlar, mehmonxona sohasi mutaxassislari va turizm yo‘nalishlari kadrlari malakasini oshirish masalalarini ko‘rib chiqdilar. 

“Markaziy Osiyo - Yevropa Ittifoqi” turizm forumining asosiy mavzusi bo‘lgan o‘zaro sayyohlik oqimini ko‘paytirish va Markaziy Osiyo mamlakatlarini global bozorlarda, shu jumladan Yevropa yo‘nalishida yagona turistik makromintaqa sifatida ilgari surish masalalari alohida o‘rganildi.

Uchrashuv yakunida tomonlar amaliy hamkorlikni davom ettirish va sheriklik aloqalarini mustahkamlaydigan hamda ikki mamlakat sayyohlik sohasi uchun qo‘shimcha imkoniyatlar yaratadigan yangi tashabbuslarni ishlab chiqishga tayyorligini tasdiqladilar.