Oʻzbekiston va KEXIM togʻ-kon sanoatida qoʻshma loyihalar imkoniyatlarini muhokama qilishdi

Toshkent, O‘zbekiston (UzDaily.uz) — 2026-yil 5-mart kuni Tog‘-kon sanoati va geologiya vazirining birinchi o‘rinbosari F.Xamidova, vazirlik mutasaddilari bilan birgalikda Koreya Eksport-Import bankining (The Export-Import Bank of Korea – KEXIM) Toshkentdagi vakolatxonasi vakillari bilan uchrashuv o‘tkazdi.

Uchrashuvda ikki tomonlama hamkorlikni amalga oshirish, tog‘-kon sanoati va geologiya sohasiga investitsiyalarni jalb qilish masalalari muhokama qilindi.

Shuningdek, tomonlar strategik mineral xomashyo xalqaro ta’minot zanjirlari barqarorligini mustahkamlash maqsadida o‘zaro hamkorlikning istiqbolli yo‘nalishlarini belgilash borasida fikr almashdilar.