Oʻzbekiston va Belarus hamkorlik natijalari va keyingi davr uchun rejalarni muhokama qilishdi

Toshkent, O‘zbekiston (UzDaily.uz) — 29-dekabr kuni O‘zbekiston tashqi ishlar vaziri Baxtiyor Saidov va Belarus tashqi ishlar vaziri Maksim Rijenkov o‘rtasida telefon orqali muloqot bo‘lib o‘tdi.

Muloqot davomida 2025-yilda erishilgan natijalar va kelgusi yilga mo‘ljallangan rejalar ko‘rib chiqildi. Shuningdek, ikki tomonlama hamkorlikning muhim masalalari, mintaqaviy va xalqaro vaziyatning dolzarb jihatlari yuzasidan fikr almashildi. Tomonlar pozitsiyalarining yaqinligini qayd etib, kelgusida hamkorlikni muvofiqlashtirishga tayyor ekanliklarini bildirdi.

O‘zbekiston va Belarus tashqi ishlar vazirliklari bundan buyon ham o‘zaro manfaatli hamkorlikni rivojlantirishni davom ettirishi ta’kidlandi.