Oʻzbekiston Tashqi ishlar vaziri Turkiy Davlatlar Tashkiloti Tashqi ishlar vazirlari kengashining norasmiy yigʻilishida ishtirok etdi

Toshkent, O‘zbekiston (UzDaily.uz) — 7-mart kuni Oʻzbekiston Tashqi ishlar vaziri Baxtiyor Saidov Turkiy Davlatlar Tashkiloti Tashqi ishlar vazirlari kengashining norasmiy yigʻilishida ishtirok etdi.

Oʻzbekiston Tashqi ishlar vazirligi rahbari Turkiya Tashqi ishlar vaziri Hakan Fidanga uchrashuvni tashkil etgani uchun minnatdorchilik bildirib, uning hozirgi xalqaro muammolar fonida oʻz vaqtida oʻtkazilganini taʼkidladi.

Saidovning soʻzlariga koʻra, muhokamalar mintaqaviy va global xavfsizlikka tobora ortib borayotgan tahdidlar, shuningdek, ishtirokchi davlatlar oʻrtasida birdamlik va muvofiqlashtirishni mustahkamlash muhimligiga qaratildi.

Taʼkidlanganidek, Oʻzbekiston tashkilot doirasida amaliy hamkorlikni yanada chuqurlashtirishni va mintaqada barqarorlikni taʼminlash, oʻzaro aloqalarni rivojlantirish va barqaror rivojlanishga qaratilgan muhim tashabbuslarni ilgari surishni qoʻllab-quvvatlaydi.