Oʻzbekiston Tashqi ishlar vaziri oʻrinbosari Ozarbayjon elchisi bilan muzokaralar oʻtkazdi

Toshkent, O‘zbekiston (UzDaily.uz) — 2-fevral kuni O‘zbekiston Respublikasi tashqi ishlar vaziri o‘rinbosari Bobur Usmanov Ozarbayjon Respublikasining mamlakatimizdagi Favqulodda va Muxtor Elchisi Guseyn Guliyev bilan uchrashuv o‘tkazdi.

Uchrashuv davomida, 2025-yil yakunlari bo‘yicha qo‘shma ishlar natijalari sarhisob qilindi hamda joriy yilga mo‘ljallangan asosiy tadbirlar kun tartibi yuzasidan ikki va ko‘p tomonlama formatlarda fikr almashinuvi amalga oshirildi.

O‘zbekiston va Ozarbayjon o‘rtasidagi strategik sheriklik va ittifoqchilik munosabatlarini chuqurlashtirishga qaratilgan yangi amaliy takliflarni ishlab chiqish, shuningdek, ikki mamlakat tashqi ishlar vazirliklari o‘rtasida yaqin ishchi aloqalarni davom ettirish bo‘yicha kelishuvga erishildi.