Oʻzbekiston Markaziy banki va Rossiya Taʼlim Ilmiy Tibbiyot Markazi moliyaviy savodxonlikni rivojlantirish boʻyicha memorandum imzoladilar

Toshkent, O‘zbekiston (UzDaily.uz) — Joriy yilning 12-dekabr kuni Markaziy bank va Ta’limni rivojlantirish respublika ilmiy-metodik markazi o‘rtasida strategik hamkorlikni mustahkamlashga qaratilgan Memorandum hamda Yo‘l xaritasi imzolandi.

Hujjatlar quyidagi rahbarlar tomonidan imzolandi: O‘zbekiston Respublikasi Markaziy banki — rais o‘rinbosari N. Fazilov; Ta’limni rivojlantirish respublika ilmiy-metodik markazi — direktor  Y. Risyukova.

Ushbu hujjat ikki tashkilot o‘rtasidagi hamkorlikni yangi darajaga olib chiqadi va mamlakatda moliyaviy ta’lim hamda savodxonlik madaniyatini yanada rivojlantirish qiladi.

Memorandum va Yo‘l xaritasida quyidagi asosiy vazifalar belgilab olindi: o‘quv-metodik majmualar, raqamli o‘quv materiallari va onlayn kurslarni ishlab chiqish; o‘quvchilar, talabalar va pedagoglar uchun moliyaviy savodxonlik bo‘yicha doimiy seminarlar, treninglar, ochiq darslar va metodik tadbirlar tashkil etish; ta’lim muassasalarida moliyaviy savodxonlik to‘garaklarini rivojlantirish va ularning faoliyatini monitoring qilish; Global Money Week va World Savings Day xalqaro tashabbuslari doirasida ommaviy tadbirlar va o‘quv loyihalarini o‘tkazish; ilmiy konferensiyalar, davra suhbatlari, tanlovlar va qo‘shma ilmiy-tadqiqot loyihalarini yo‘lga qo‘yish; xorijiy tajriba va ilg‘or amaliyotlarni o‘rganish asosida xalqaro hamkorlikni kengaytirish; ikki tomonlama qo‘shma ishchi guruhlar tuzib, samarali axborot almashinuvi va hamkorlik mexanizmlarini yo‘lga qo‘yish.

Mazkur memorandum moliyaviy savodxonlikni rivojlantirish, ta’lim sohasini raqamlashtirish hamda o‘quv-metodik bazani zamon talablariga moslashtirishda muhim qadamlardan biri hisoblanadi. Memorandum doirasida amaliy natijalarni ta’minlash, yangi loyihalarni joriy etish va hamkorlik doirasini kengaytirish rejalashtirilgan.