Navoiy viloyati Konimex tumanida magnitudasi 3,9 bo‘lgan zilzila qayd etildi

Toshkent, O‘zbekiston (UzDaily.uz) — 17-sentabr kuni O‘zbekistonda epitsentri Navoiy viloyatining Konimex tumanida bo‘lgan zilzila qayd etildi, deb xabar qildi Favqulodda vaziyatlar vazirligi huzuridagi Seysmologik monitoring markazi.

Zilzila markazida zilzila kuchi 4 ball, magnitudasi 3,9 ballni tashkil qilgan. Epitsentrdan Toshkentgacha bo‘lgan masofa janubiy-sharq yo‘nalishida 363 kilometrni tashkil qiladi.

Mamlakat hududida yer silkinshlari qo‘shni tumanlarda ham sezildi: G‘ijduvonda 23 km masofada 3 ball, Konimex va Navbahorda 57 km masofada har biri 2 ball.