Muzaffar Komilov Prezident Administratsiyasi bo'lim mudiri etib tayinlandi

Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyevning farmoniga muvofiq Muzaffar Murotovich Kamilov O‘zbekiston Respublikasi Prezidenti Administratsiyasining diniy-maʼrifiy masalalar bo‘yicha departamenti boshlig‘i lavozimiga tayinlandi. Bu haqda davlat rahbari matbuot xizmati xabar qildi.

Tayinlov munosabati bilan u O‘zbekiston Respublikasi Prezidentining vakillik organlari, nodavlat notijorat tashkilotlari, din va yoshlar masalalari bo‘yicha maslahatchisining o‘rinbosari lavozimidan ozod etildi.