Mozori Sharif shahrida “UZELECTRONICS” multi-brend savdo markazi ish boshladi

Toshkent, O‘zbekiston (UzDaily.uz) — Kuni kecha Afg‘oniston Islom Respublikasining Mozori Sharif shahrida “O‘zeltexsanoat” uyushmasining muhim loyihasi — UZELECTRONICS multi-brend savdo markazining rasmiy ochilish marosimi bo‘lib o‘tdi.

Umumiy maydoni 1200 kv.m bo‘lgan savdo markazida 25 ta kompaniya 500 dan ortiq turdagi mahsulotlarini xaridorlarga taqdim etmoqda.

Bu — Afg‘onistondagi elektrotexnika bozorida O‘zbekiston mahsulotlariga bo‘lgan talab oshib borayotganidan dalolat beradi.

Xuddi shu kabi savdo markazini Qobul shahrida ham tashkil etish bo‘yicha saʼy-harakatlar boshlangan.