MDH parlament delegatsiyalari rahbarlari Tojikiston Prezidenti bilan uchrashdi

Toshkent, O‘zbekiston (UzDaily.uz) — Dushanbe shahrida Mustaqil Davlatlar Hamdo‘stligiga aʼzo davlatlar parlament delegatsiyalari rahbarlarining Tojikiston Respublikasi Prezidenti Emomali Rahmon bilan uchrashuvi bo‘lib o‘tdi. 

Suhbat chog‘ida MDH doirasidagi hamkorlikni yana-da rivojlantirish, davlatlar o‘rtasidagi parlamentlararo muloqotni kuchaytirish hamda mintaqaviy barqarorlik va o‘zaro ishonchni mustahkamlash masalalari muhokama qilindi.

Tadbir ishtirokchilari Prezident Emomali Rahmonning Dushanbedagi “Qasri Millat” davlat saroyi bo‘ylab qisqa ekskursiyasi davomida ushbu maskanning tarixiy va meʼmoriy ahamiyati bilan ham tanishdilar.