Markaziy Osiyo va Yevropa Ittifoqi mamlakatlarining turizm sohasidagi hamkorligi

Toshkent, O‘zbekiston (UzDaily.uz) — 2025-yil 28-noyabr kuni Xalqaro turizm haftaligi doirasida “Markaziy Osiyo - Yevropa Ittifoqi” birinchi turizm forumi bo‘lib o‘tadi.

Tadbir turizm sohasini rivojlantirish va hamkorlikni kengaytirishning dolzarb masalalarini muhokama qilish uchun Markaziy Osiyo va Yevropa Ittifoqi mamlakatlarining 150 dan ortiq sayyohlik idoralari vakillari, ekspertlar va xalqaro delegatsiyalarni birlashtiradi. 

Forum dasturidan mintaqaning turizm salohiyati, madaniy merosni asrab-avaylash va raqamli texnologiyalarni joriy etish mavzularida panel sessiyalari o‘rin olgan. Markaziy Osiyo va Yevropa Ittifoqi mamlakatlari o‘rtasidagi muloqot, turizm sohasida tajriba almashish va qo‘shma imkoniyatlarga alohida e’tibor qaratiladi.

Forum mintaqaning sayyohlik salohiyatini targ‘ib qilish, yangi xalqaro aloqalarni yo‘lga qo‘yish, Markaziy Osiyo va Yevropa Ittifoqi mamlakatlari o‘rtasida hamkorlikni mustahkamlash uchun muhim platforma bo‘ladi.