Markaziy bank Imkon Finansga qo'yilgan cheklovlarni bekor qildi

Toshkent, O‘zbekiston (UzDaily.uz) — O'zbekiston Markaziy banki 2025-yil avgust oyida Imkon Finans mikromoliya tashkilotiga qo'yilgan cheklovlarni bekor qildi.

Eslatib o'tamiz, regulyator kompaniyaning biznes jarayonlari va ichki nazorat tizimidagi aniqlangan kamchiliklar tufayli uning kreditlash, lizing, garov va faktoring faoliyatini vaqtincha chekladi.

Shu bilan birga, kompaniya obligatsiya egalari oldidagi majburiyatlarini bajarishda davom etdi: kupon to‘lovlari o‘z vaqtida amalga oshirilgan, muddatidan oldin sotib olish uchun murojaat qilgan investorlarning obligatsiyalari esa to‘liq qiymatida qaytarilgan.

Mazkur davrda kompaniyaning moliyaviy natijalari bosim ostida qoldi. 9 oy yakuniga ko‘ra, “Imkon Finans“ 7,5 mlrd so‘mlik zarar qayd etdi — bu esa yilning I yarmida olingan 1,4 mlrd so‘mlik sof foydadan keskin farq qiladi.

Imkon Finans cheklovlar davrida ichki jarayonlarini qayta ko'rib chiqqani, nazorat mexanizmlarini kuchaytirgani va asosiy operatsion tartiblarni yangilagani haqida xabar berdi. O'zgarishlarni ko'rib chiqqandan so'ng, Markaziy bank cheklovlarni bekor qilishga qaror qildi.

Tashkilotning e'lon qilishicha, Imkon Finans bugun rasman to'liq faoliyatini qayta tiklaydi.