Mahmud Istamov adliya vazirining birinchi o‘rinbosari etib qayta tayinlandi

Toshkent, O‘zbekiston (UzDaily.uz) — O‘zbekiston Adliya vazirligida kadrlar o‘zgarishi ro‘y berdi. Adliya vazirining birinchi o‘rinbosari lavozimiga qaytadan Mahmud Istamov tayinlandi. U 2017–2019 yillarda ham shu lavozimda ishlagan va yaqin vaqtga qadar vazir o‘rinbosari sifatida faoliyat yuritgan.

Istamov o‘z mehnat faoliyati davomida bir qator davlat tashkilotlarida rahbarlik lavozimlarida ishlagan: Oliy Majlis Qonunchilik palatasi Apparatini boshqargan, Buxoro viloyati prokuraturasini rahbarlik qilgan, shuningdek Markaziy saylov komissiyasi raisi o‘rinbosari sifatida faoliyat yuritgan.

Adliya vaziri o‘rinbosari lavozimiga Mirjalol Allaqulayev tayinlandi. U 2022 yildan beri Adliya vazirligi Qonunchilik departamentiga rahbarlik qilib kelardi va undan avval vazirlik tizimida turli lavozimlarni egallagan.

Aval adliya vaziri o‘rinbosari lavozimini egallab kelgan Sherzod Rabiyev yangi lavozimga o‘tkazilib, Toshkent davlat yuridik universiteti rektori etib tayinlandi.