Laziz Qudratov Germaniyaning yetakchi kompaniyalari va moliya institutlari bilan bir qator muzokaralar o‘tkazdi

Toshkent, O‘zbekiston (UzDaily.uz) —  2025-yil 29-sentabr kuni Germaniyaga tashrif doirasida bo‘lib o‘tgan Jahon xalqaro moliya markazlari alyansining yillik yig‘ilishi chog‘ida ISSV rahbari Laziz Kudratov biznes forumlarda ishtirok etdi hamda alyansga a’zo davlatlarning rasmiylari va yirik kompaniya hamda moliyaviy institutlar rahbarlari bilan qator uchrashuv va muzokaralar o‘tkazdi.

Tashrif dasturidan "Deutsche Bank" va "Frankfurt Main Finance" rahbariyati bilan muzokaralar o‘rin oldi. "Frankfurt Main Finance" bilan Hamkorlik to‘g‘risida Memorandum imzolandi. Ushbu hujjat moliya sektorini rivojlantirish va institutsional hamkorlikni mustahkamlashga qaratilgan. Shuningdek, Vyetnam Bosh vazirining birinchi o‘rinbosari Nguyen Hoa Binh bilan ikki tomonlama uchrashuv o‘tkazilib, iqtisodiy hamkorlikni kengaytirish va qo‘shma loyihalarni amalga oshirish imkoniyatlari muhokama qilindi.

Alohida e’tibor "Franklin Templeton" bilan "Uzbekistan National Investment Fund" forumi doirasida yirik qo‘shma loyihalarni moliyalashtirish masalalariga qaratildi. Shuningdek, energetika, infratuzilma va kommunikatsiyalar, moliya, shaharsozlik va sanoat ishlab chiqarishi sohalarida faoliyat yurituvchi yirik kompaniyalar rahbarlari bilan uchrashuvlar bo‘lib o‘tdi.

Tashrifning muhim tadbirlaridan biri "Commerzbank" bilan "Growth Partner Uzbekistan — Strategy, Projects, Performance" biznes-forumi bo‘lib, unda ikki tomonlama hamkorlik istiqbollari hamda samarali loyiha moliyalashtirish mexanizmlaridan foydalanish asosidagi yangi tashabbuslar ko‘rib chiqildi.

O‘zbekiston delegatsiyasining Germaniyadagi faoliyati davom etmoqda, yangi hamkorlik yo‘nalishlarini qamrab olinib, sheriklik aloqalari yanada mustahkamlamoqda.